အာရုံကြောကျန်းမာစေမယ့် ဗီတာမင်ဓာတ်လေးတွေအကြောင်း
တစ်နေ့ကို ပန်းသီးတစ်လုံးစားပေးရင် ဆရာဝန်နဲ့ ဝေးဝေးနေလို့ရသတဲ့။ ဒီစကားကို လူတိုင်း ကြားဖူးမှာပါ။ လူတစ်ယောက်ရဲ့ နေ့စဉ် စားသောက်မှုက ကျန်းမာရေးအပေါ်မှာ အတော်လေး လွှမ်းမိုးနေပါတယ်။ အစားစာတွေကမှာ အာဟာရလိုအပ်ချက်ကို ဖြည့်ပေးတာမျိုး ရှိသလို အာဟာရလိုအပ်ချက်ကို မဖြည့်ပေးဘဲ ထိခိုက်စေတာမျိုးတွေလည်း ရှိပါတယ်။
နောက်တစ်ချက်က ခန္ဓာကိုယ် အစိတ်အပိုင်းအလိုက်လည်း လိုအပ်တဲ့ အာဟာရဓာတ်တွေ ကွာခြားနိုင်ပါသေးတယ်။ ဒီအပတ်မှာတောာ့ အာရုံကြောကျန်းမာစေမယ့် ဗီတာမင်လေးတွေအကြောင်း ပြောပြပေးချင်ပါတယ်။
အာရုံကြောကျန်းမာစေဖို့ လိုအပ်မယ့် ဗီတာမင်လေးများ
အာရုံကြောကျန်းမာစေဖို့ လိုအပ်မယ့် ဗီတာမင်လေးတွေကတော့ အောက်ပါအတိုင်းပါပဲ။
Acetyl-L-Carnitine
Acetyl-L-carnitine ဆိုတာက အမိုင်နိုအက်ဆစ် တစ်မျိုးဖြစ်သလို အင်ဒီအောက်ဆီးဒင့်တစ်မျိုးပါ။ အာရုံကြောဆဲလ်တွေ ကျန်းမာစေဖို့ ထောက်ကူပေးနိုင်ပါတယ်။ အာရုံကြော နာကျင်မှုကိုလည်း သက်သာစေမှာပါ။ ဒီအာဟာရဓာတ်ကို ဖြည့်စွက်အာဟာရအနေနဲ့ စားသုံးပေးလို့ ရသလို နေ့စဉ်စားသုံးနေကျ အစားအစာတွေဖြစ်ကြတဲ့ အသား၊ ငါး၊ ကြက်သား၊ ဘဲသား၊ နို့ထွက်ပစ္စည်းတွေကနေ ရရှိနိုင်ပါတယ်။
Alpha-Lipoic Acid
Alpha-lipoic အက်ဆစ်ဆိုတာက အင်ဒီအောက်ဆီးဒင့် တစ်မျိုးပါ။ အာရုံကြောလုပ်ဆောင်မှုတွေကို တိုးတက်စေနိုင်သလို သွေးတွင်းသကြားဓာတ် ကျဆင်းစေနိုင်ဖို့လည်း ထောက်ကူပေးနိုင်ပါတယ်။ ဒီအာဟာရဓာတ်ကို ဖြည့်စွက်အာဟာရကနေ ရရှိနိုင်သလို ပုံမှန်စားနေကျ အစားအစာတွေဖြစ်တဲ့ ပန်းဂေါ်ဖီစိမ်း၊ အနီရောင်အသား၊ အသည်း၊ ဟင်းနုနွယ်၊ တစေးတို့ကနေ ရရှိနိုင်ပါတယ်။
ဗီတာမင် ဘီ
ဗီတာမင် ဘီရဲ့ စွမ်းဆောင်ရည်က အာရုံကြောစနစ် ကျန်းမာစေဖို့ ထောက်ကူပေးနိုင်ပါတယ်။ ဗီတာမင် ဘီ1၊ ဘီ6၊ ဘီ12 တို့က အာရုံကြောစနစ် ကျန်းမာစေဖို့ရော ကျန်းမာရေးပြဿနာတွေကနေ သက်သာလာစေဖို့ပါ ထောက်ကူပေးနိုင်ပါတယ်။ ဗီတာမင် ဘီ1 လို့ သိကြတဲ့ သီရာမင်းက အာရုံကြော နာကျင်ရောင်ရမ်းတာတွေကို သက်သာစေဖို့ တာဝန်ယူထားပြီး ဗီတာမင် ဘီ6 က အာရုံကြော အစွန်းလေးတွေ ထိခိုက်မှုနည်းစေဖို့ ကာကွယ်ပေးပါတယ်။ ဗီတာမင် ဘီ12ကတော့ အာရုံကြောလေးတွေကို တာဝန်တွေကို ကောင်းကောင်းမွန်မွန်လုပ်ဆောင်နိုင်စေဖို့ အားဖြည့်ပေးပါတယ်။ ဗီတာမင် ဘီအုပ်စုကို ဥအမျိုးမျိုး၊ ပင်လယ်စာ၊ အသီးအရွက်တွေ၊ အဆီနည်းတဲ့ နို့ထွက်ပစ္စည်းတွေ နဲ့ ကြက်သားစတာတွေကနေ ရရှိနိုင်ပါတယ်။
Curcumin
Curcumin က နနွင်းမှာ တွေ့ရှိရတဲ့ အင်ဒီအောက်ဆီးဒင့် တစ်မျိုးပါ။ အရောင်ကျစေနိုင်သလို အကိုက်အခဲ သက်သာစေနိုင်ပါတယ်။ နာတာရှည် နာကျင်မှုတွေကို သက်သာစေဖို့ အတွက်ရော ကာကွယ်ဖို့အတွက်ပါ အသုံးပြုပေးလို့ ရပါတယ်။ အာရုံကြောကျန်းမာစေဖို့ ပုံမှန် စားသုံးပေးလို့ ရပါတယ်။ ဆေးဖက်ဝင်အဖြစ်ရော ဟင်းလျာတွေထဲမှာပါ ထည့်သွင်းစားသုံးပေးလို့ ရပါတယ်။
ငါးကြီးဆီ
ငါးကြီးဆီက အရောင်ကျစေနိုင်ပြီး အာရုံကြောတွေ ပျက်စီးတာကို သက်သာစေနိုင်ပါတယ်။ ငါးကြီးဆီက အာရုံကြောဆဲလ်တွေ ကျန်းမာစေဖို့ ထောက်ကူပေးပါတယ်။ ငါးကြီးဆီကို ဆယ်လ်မွန်ငါး၊ ဆာဒင်းငါး၊ မက်ကာရယ်စတာတွေကနေ ရရှိနိုင်သလို သစ်ကြားသီးတွေ၊ ကာနိုလာဆီ၊ ချိုင်ယာစေ့၊ နှမ်းကြတ်စေ့၊ ပဲပိစပ်တွေကနေ ရရှိနိုင်ပါတယ်။
N-Acetyl Cysteine
N-Acetyl-Cysteine ဆိုတာက အင်ဒီအောက်ဆီးဒင့် တစ်မျိုးဖြစ်သလို အမိုင်နိုအက်ဆစ်တစ်မျိုးလည်း ဖြစ်ပါတယ်။ အာရုံကြော နာကျင်မှုကို သက်သာစေနိုင်သလို အာရုံကြောထိခိုက်တာတွေကို သက်သာစေဖို့ ထောက်ကူပေးပါတယ်။ အာရုံကြော ပျက်စီးတာတွေကို သက်သာစေဖို့လည်း ထောက်ကူပေးပါသေးတယ်။ ဒီအာဟာရဓာတ်ကိုတော့ အစားအစာတွေထဲမှာ သဘာဝအတိုင်း မတွေ့နိုင်တာကြောင့် ဖြည့်စွက်အာဟာရတွေကနေတဆင့် ရယူရမှာ ဖြစ်ပါတယ်။
မွန်မွန်
Aung thu nyein 10 Mar 2023 |
ခေါင်းတစ်ခြမ်းခနခနကိုက်တယ်.အဲတာဘာဖစ်လို့လဲဗျ
Aung thu nyein 10 Mar 2023 |
ခေါင်းတစ်ခြမ်းခနခနကိုက်တယ်.အဲတာဘာဖစ်လို့လဲဗျ